ရွှေဘိုမြို့၏အရှေ့ဘက် ၂မိုင် ၅ဖာလုံ အကွာ၊ရွှေဘို-မြစ်ကြီးနားလမ်း၏ အရှေ့ဘက်၊ ရွှေဘို-ကျောက်မြောင်းလမ်း၏ မြောက်ဘက်၊ လမ်းဆုံထောင့်တွင်တည်ရှိပြီး၂၁၀.၆၈ ဧက ကျယ်ဝန်းပါသည်။

ရွှေဘိုတက္ကသိုလ် တည်ထောင်ခြင်း

ရွှေဘိုတက္ကသိုလ်၏ မူလအစဖြစ်သော ရွှေဘိုဒေသကောလိပ်ကို ၂၆-၅-၁၉၇၇ တွင် စတင် ဖွင့်လှစ် ခဲ့သည်။ ၁-၄-၁၉၈၀ တွင် ရွှေဘိုကောလိပ်ဟု အမည်ပြောင်းလဲခဲ့သည်။ ၇-၇-၁၉၉၉ တွင် ရွှေဘိုဒီဂရီကောလိပ်အဖြစ်လည်းကောင်း၊ ၁၃-၆-၂၀၁၁ တွင် ရွှေဘိုတက္ကသိုလ်အဖြစ် လည်းကောင်း
အဆင့်တိုးမြှင့်ခဲ့သည်။

ဒေသနှင့် နိုင်ငံအတွက် လိုအပ်သော အရည်အချင်းပြည့်ဝသော လူ့စွမ်းအား အရင်း အမြစ်များ ဖွံ့ဖြိုးတိုးတက်ရန် ပညာရည်နှင့် လူမှုကျင့်ဝတ် ကောင်းမွန်သော ဘွဲ့ရသူများ မွေးထုတ်ပေးမည်။

ကောင်းမွန်သော သင်ကြားရေးနှင့် ပညာရပ်ဝန်းကျင်တခုလုံး ရေရှည်တည်တံ့ ခိုင်မြဲစေရန် အသုံးချသုတေသန ဆောင်ရွက်ချက်များ ဖွံ့ဖြိုးတိုးတက်အောင် လုပ်ဆောင်မည်။

ရွှေဘိုတက္ကသိုလ်သည် နိုင်ငံတကာတက္ကသိုလ်များနှင့် ရင်ဘောင်တန်းနိုင်ပြီး အနာဂတ်၏ မြန်မာ့လူဘောင်သစ် အားဖွံ့ဖြိုးစည်ပင်အောင် တည်ဆောက်နိုင်၍ အခွင့်အလမ်းများစွာကို ပိုင်ဆိုင် နိုင်သည့် ပညာတတ် လူတော် လူကောင်း ခေါင်းဆောင်များကို မွေးထုတ်ပေးနိုင်သော တက္ကသိုလ်အဖြစ် ရပ်တည်မည်။

သဘာဝပတ်ဝန်းကျင်နှင့် လူ့အဖွဲ့အစည်း၏ ကောင်းကျိုးကို အဆက်မပြတ် ဖွံ့ဖြိုးတိုးတက် စေမည့် ပညာရေးဝန်းကျင်ကောင်းအဖြစ် ရပ်တည်နိုင်ရန်အတွက် သင်ကြားရေး၊ စစ်ဆေး အကဲဖြတ်ရေးနှင့် သုတေသနပြုရေးတို့ကို ဆောင်ရွက်မည်။